Қазгидромет 26-28 қыркүйекке арналған ауа райы болжамын жариялады, деп хабарлайды Jana-kezen.kz
«Алдағы күндері Қазақстанның ауа райына солтүстік-батыс антициклоны ықпал етеді. Елдің басым бөлігінде жауын-шашын тоқтайды. Тек еліміздің солтүстік-шығыс бөлігі циклонның ықпалында болады, осыған байланысты кей жерлерде жауын-шашын, көбінесе жаңбыр жауады. Тұман түсіп, желдің күшеюі, оңтүстік өңірлерде шаңды дауыл күтіледі», – делінген хабарламада.
