EducationБасты

Төлен Әбдік әл-Фарабиге елордада ескерткіш орнатуды ұсынды

ҚР Мемлекеттік сыйлығының иегері, жазушы Төлен Әбдік Әбу Насыр әл-Фарабиге елордада ескерткіш орнатуды ұсынды, деп хабарлайды ҚазАқпарат тілшісі.

«Әбу Насыр әл-Фараби – Аристотельден кейін екінші ұстаз атанған адамзат тарихындағы ең ғұлама адамдардың бірі. Онымен қалай мақтансақ та артық болмайды. Сондықтан, менің ұсынысым: осы мерейтой қарсаңында әл-Фарабидің ескерткішін осы елордада орнатуға болады. Шетелден келгендер ескерткішке қарап, оны бірден танитын еді. Екіншіден, әл-Фарабидің мерейтойын ЮНЕСКО-мен қосылып өткізуге болады», – деді Төлен Әбдік Ақордада «Рухани жаңғыру» бағдарламасын іске асыру жөніндегі Ұлттық комиссия отырысында.

Өз кезегінде Мемлекеттік хатшы Қырымбек Көшербаев Әбу Насыр әл-Фарабидің 1150 жылдығы ЮНЕСКО-ның күнтізбесіне кіргенін атап өтті.

«Парижде ЮНЕСКО-ның бас директорымен кездесіп, осы мәселенің бәрін нақтыладық. Абайдың да, Әбу Насыр әл-Фарабидің да мерейтойы, Шымкент қаласының 2200 жылдығы – бәрі ЮНЕСКО-ның қолдауы аясында өтеді», – деді ол.

Еске сала кетсек, Мемлекеттік хатшы Қырымбек Көшербаевтың төрағалымен Ақордада бүгін ҚР Президенті жанындағы Қоғамдық сананы жаңғырту бағдарламасын іске асыру жөніндегі ұлттық комиссияның отырысы өткізілді.

Басқа жаңалықтар

Back to top button