Ақмола облысындағы креативті индустрия жәрмеңкесіне әлемнің 80-нен астам елінен туристер келді

«Бурабай» мемлекеттік ұлттық табиғи паркінде xX-WATERS Kazakhstan 2025 халықаралық жүзу аясында жергілікті суретшілер мен қолөнершілер жәрмеңкесі ұйымдастырылды. Бұл туралы ҚР Мәдениет және ақпарат министрлігінің баспасөз қызметі хабарлайды.

Әлемнің 80-нен астам елінен келген туристер 1 000 000 теңгеге жуық өнімін өткізген шеберлердің жұмыстарымен танысып, сатып алды.

Іс-шараның басты мақсаты – өнер иелеріне жағдай жасау және олардың шығармашылығын коммерцияландыруға қолдау көрсету.

Айта кетерлігі, кәсіпкерлерге алаңды тегін ұсына отырып, өңірде мұндай жәрмеңкелерді тұрақты өткізу жоспарлануда.