Биыл үшінші тоқсанда мемлекеттік басқару және қорғаныс, сондай-ақ міндетті әлеуметтік қамсыздандыру саласындағы қызметкерлердің орташа айлық атаулы жалақысы 299,7 мың теңгеге жетіп, былтырғыдан 20,2% көбейді. Саладағы жалақының сатып алу қабілетінің нақты өсімі 6,5%. Ескерту: республика бойынша орта есеппен орташа айлық атаулы жалақы 350,5 мың теңгеге жетті — былтырғыдан ақшалай түрде 16,9% және нақты мәнде 3,5% көп. Бұл туралы ranking.kz сарапшылары хабарлайды.
Өңірлер бойынша сектордағы ең жоғары жалақы елордада байқалды: 478,1 мың теңге, бір жылда ақшалай 21,3% көбейген. Екінші және үшінші орында Алматы (322,5 мың теңге, 11% көбейген) және Қызылорда облысы (317 мың теңге, 11,2% көбейген).
Мемлекеттік басқару және қорғаныс, сондай-ақ міндетті әлеуметтік қамсыздандыру саласындағы ең төмен атаулы жалақы Жетісу (247,9 мың теңге), Абай (254,3 мың теңге) және Жамбыл (258,2 мың теңге) облыстарында.
Еліміздің 20 өңірінің 4-де ғана көрсеткіш республикалық көрсеткіштен жоғары болды. Алдыңғы үштіктен басқа олардың қатарында Ұлытау өңірі де (305,7 мың теңге) бар.
Қызмет түрлері бойынша сектордағы ең жоғары жалақы міндетті әлеуметтік сақтандыру қызметкерлері арасында байқалды: 875,9 мың теңге — былтырғыдан бірден ақшалай 40,7% және нақты мәнде 24,6% көп.
Жалпы мемлекеттік басқару және қоғамның әлеуметтік-экономикалық саясатын басқару саласында көрсеткіштер анағұрлым төмен болды: бар болғаны 299,9 мың теңге, бір жылда ақшалай 19,7% және нақты мәнде 6% көбейген.
Жалпы қоғамға көрсетілетін мемлекеттік қызметтер саласында орташа айлық жалақы 296,4 мың теңге, жылдық өсім ақшалай 20,3%, нақты мәнде 6,6%.
Мемлекеттік басқару және қорғаныс, сондай-ақ міндетті әлеуметтік қамсыздандыру саласында жұмыспен қамтылғандар саны биыл үшінші тоқсанда 534,4 мың адамды құрады, бұл былтырғыдан 4,7% артық.
Ең көп жұмыспен қамтылғандар Жетісу облысында (54,8 мың адам), Астана қаласында (47,8 мың адам), сондай-ақ Жамбыл (47,7 мың адам) және Алматы (47 мың адам) облыстарында болды.
Салада ең аз жұмыспен қамтылғандар Ұлытау (8,7 мың адам) және Атырау (13,1 мың адам) облыстарында, сондай-ақ Шымкент қаласында (16,3 мың адам) болды.
