SocialБасты

АӘК және тұрғын үй көмегін алушылар газды төмендетілген бағамен алатын болады

Мемлекет басшысының газ бағасын белгілеу моделін жетілдіру бойынша тәсілдерді әзірлеу жөніндегі тапсырмасы аясында ҚР ҰЭМ Табиғи монополияларды реттеу комитеті тұтынушылардың жеке тоғызыншы тобын бөлу бойынша жұмыс жүргізуде. Бұл санатқа «мемлекеттік атаулы әлеуметтік көмек және (немесе) тұрғын үй көмегін алатын тұрмыстық тұтынушылар (тұрғындар)» кіреді, деп хабарлайды ҰЭМ-нің баспасөз қызметі.

Бұл жұмысты ҚР ҰЭМ ТМРК қоғамдық маңызы бар нарықтарда баға белгілеу қағидаларына өзгерістер мен толықтырулар енгізу арқылы жүзеге асырды.

Нәтижесінде, 2022 жылғы 1 сәуірден бастап пилоттық жоба аясында Тараз және Орал қалаларында жоғарыда аталған топтың азаматтары тауарлық газды 20% – ға төмендетілген бағамен алады, ал бұл 3 мыңнан астам тұтынушы. Бұл топтың тұтынушылары сәуір айындағы түбіртектерде газдың жаңа бағасын көре алды.

Сонымен қатар, бүгінгі күні жергілікті атқарушы органдармен және ұйымдармен бірлесіп, «QazaqGaz» ҰК» АҚ еншілес компаниясының «ҚазТрансГаз Аймақ» АҚ ақпараттық жүйелерін электрондық үкімет шлюзі арқылы ҚР Еңбек және халықты әлеуметтік қорғау министрлігінің «Әлеуметтік көмек» автоматтандырылған ақпараттық жүйесі арқылы интеграциялау бойынша жұмыс жалғасуда.

Ағымдағы жылдың 1 шілдесінен бастап «мемлекеттік атаулы әлеуметтік көмек және (немесе) тұрғын үй көмегін алатын тұрмыстық тұтынушылар» санатына жататын тұтынушылардың елдің барлық газдандырылған өңірлерінде төмендетілген бағамен газ алу мүмкіндігі болады.

Газға төмендетілген бағаны алу үшін тұтынушы Egov.kz. порталындағы АӘК және тұрғын үй көмегін алушы ретіндегі өзінің мәртебесіне көз жеткізуі қажет.

Басқа жаңалықтар

Back to top button