Бұрынғы Денсаулық сақтау министрі Елжан Біртанов 14 қыркүйекке дейін үйқамақта отырады.
Соттың шешімімен келіспеген қорғаушылар апелляциялық шағым берген болатын. Алайда, келтірілген дәйектер жеткіліксіз әрі істі қараған әріптесінің заңға сай жұмыс істегенін алға тартқан сот бұл шағымды қанағаттандырмады. Ал Елжан Біртанов кінәсін мойындамай отыр. Оның ойынша, тағылған айыпты қайта-қайта ауыстыра беру дұрыс емес.
