Қаланың бас санитар дәрігері Жанна Пірәлиеваның қаулысымен елордалық ХҚО-лар 27 маусым күні өз жұмысын уақытша тоқтатады, деп хабарлайды ҚазАқпарат.
«Аталған күнге жасалған бронь – жарамсыз. Кезекті басқа күнге қайта брондау керектігін ескертеміз» деп мәлім етті «Азаматтарға арналған үкімет» АҚ елорда филиалының баспасөз қызметі.
Қызмет алушылар ХҚО-ға кезекті egov.kz порталындағы арнайы сервис, eGovKzBot2.0 телеграм-боты және 1414 нөмірі арқылы брондай алады. Нұр-Сұлтан қаласындағы ХҚО-лар қызмет алушыларды 23 маусымнан бастап 09.00-ден 17.00-ге дейін қабылдап жатқанын еске сала кетейік.
