Ағымдағы жылдың 11 айында Қазақстанда агроөнеркәсіптік кешенде импортты алмастыру шеңберінде жалпы қуаттылығы 94,5 мың тонна құс етін өндіретін 8 жаңа құс фабрикасы және 2 үйрек-қаз фермасы пайдалануға берілді. Бұл туралы Jana-kezen.kz Ауыл шаруашылығы министрлігіне сілтеме жасап хабарлайды.
Сондай-ақ, биыл республикада 87,8 мың тонна сүт бағытындағы 13 мың басқа арналған 18 өнеркәсіптік тауарлы-сүт фермасы және қуаттылығы 10,1 мың тонна сүт бағытындағы 3,2 мың басқа арналған 30 отбасылық тауарлы-сүт фермасы іске қосылды.
