Алматыдағы Жетісу ауданының әкімі Мақсат Қиқымов анимодзи арқылы тұрғындарға үндеу жасады. Ол жазбасын Instagram желісінде жариялаған, – деп хабарлайды Tengrinews.kz тілшісі.
«Алматы әкімінің қолдауымен әлеуметтік, жол, инженерлік инфрақұрылымдарды дамыту бойынша кешенді жұмыстар жүргізіліп жатыр. Өздеріңіз білетіндей, бұрын біз тұрақты түрде халық алдында есеп беру кездесулерін өткіздік. Бұл жолы, эпидемиологиялық жағдайдың тұрақсыздығына байланысты, біз жүргізіліп жатқан барлық жұмысты осы бейнешолуда көрсетуді шештік», – деп жазды ол.
Видеода әкімге ұқсатылған анимодзи ауданда атқарылып жатқан жұмыс пен жоспары туралы айтады. Видеодан белгілі болғандай, 2020 жылдың соңына дейін екі аурухана құрылысы басталады. Одан бөлек дене шынықтыру кешені салынады.
