Кәсіпкерлердің құқықтарын қорғау жөніндегі қызмет шеңберінде прокуратура органдары бизнес субъектілеріне жарнама салығын есептеу кезінде заңдылықтың жай-күйіне талдау жүргізді. Бұл туралы Бас прокуратураның баспасөз қызметі хабарлайды.
Кәсіпкерлерден белгілер үшін сыртқы жарнама ретінде салық төлемдері барлық жерде алынғаны анықталды.
Алайда «Жарнама туралы» Заңға сәйкес, белгіге салық салынбайды, өйткені ол сыртқы (визуалды) жарнама болып табылмайды.
Мұндай тәжірибе әкімдіктердің фискалдық органдарға жарнама ретінде анықтай отырып, белгіні пайдаланатын кәсіпкерлер туралы мәліметтерді ұсынуы нәтижесінде қалыптасты.
Мысалы, Алматы облысында әкімдік жарнама үшін салық төлеуші ретінде «А.» ЖК туралы мәліметтерді жіберген кезде ғимараттың төбесіндегі дүкеннің белгісі ғана алынды.
Сонымен қатар, Қызылорда облысында бизнес объектілерінде үгіт материалдарын орналастырғаны үшін 18 кәсіпкерге салықтық төлемдерді негізсіз есептеу фактісі анықталды, олар да заң талаптарына сәйкес салық салуға жатпаған.
Жалпы, прокурорлар 1600-ден астам заңсыз салық алу фактілерін анықтады.
Бүгінге прокурорлық қадағалау актілері бойынша 12 лауазымды тұлға тәртіптік жауапкершілікке тартылды, 725 бизнес субъектісінің құқықтары қорғалды, 12 млн теңгеден астам қаражат кәсіпкерлерге қайтарылды.
Бұл жұмыс жалғасуда және бақылауда.
Сондай-ақ, Үкімет жіберілген бұзушылықтар туралы ақпараттандырылды, жарнама саласындағы уәкілетті органның тиісті басшылықты және салааралық үйлестіруді қамтамасыз ету қажеттілігіне назар аударылды.
