Social

Астана мен Челябинск арасында әуе рейсі ашылады

ҚР ИИДМ Азаматтық авиация комитеті халықаралық қатынасты одан әрі жаңғыртып, ашу жөніндегі жұмыс шеңберінде Ресей Федерациясының авиациялық билік орындарымен бірлесіп, Астана – Челябинск бағыты бойынша тұрақты тікелей рейстерді ашу мәселесін қарастырды, деп хабарлайды ИИДМ-нің баспасөз қызметі.

Бұл қолға алынған жұмыстың нәтижесінде қазақстандық Qazaq Air әуе компаниясы биыл 13 ақпаннан бастап De-Havilland Dash 8-Q400 ұшағымен аптасына жиілігі 3 рейспен жалғасатын Астана – Челябинск маршрутымен тұрақты жолаушылар рейстерін іске асыруды жоспарлап отыр.

Осы ретте Қазақстан мен Ресей арасындағы рейстердің ұлғаюы екіжақты сауда-экономикалық, инвестициялық, туристік және мәдени байланысты одан әрі нығайтуға септігін тигізетінін айта кеткен орынды.

Билеттерді аталған авиакомпанияның ресми сайтынан сатып алуға болады.

Басқа жаңалықтар

Back to top button