Бас прокурор Берік Асылов ұлттық қауіпсіздік комитетінің бұрынғы төрағасы Кәрім Мәсімов, үш орынбасары мен бөлім басшысына қандай жаза тағайындалуы мүмкін екенін айтты.
Бас прокурордың айтуынша, бұл қылмыстар үшін Қылмыстық кодекспен 17 жылға дейін бас бостандығынан айырылуы мүмкін.
«Оның ішінде, мемлекетке опасыздық жасау, билікті күшпен басып алу, билікті асыра пайдалану және пара алу бойынша қылмыстық істер бар. Бұрынғы төраға мен оның орынбасарлары қамауда. Олардың әрекетіне құқықтық бағаны сот береді деп ойлаймын. Бірақ алдын ала айтатын болсақ, бұл қылмыстар үшін Қылмыстық кодекспен 17 жылға дейін бас бостандығынан айырылуы мүмкін. Тергеу жұмыстары әлі жүріп жатыр», деді Берік Асылов.
