Олимпиада ойындарының ұйымдастырушылары көрермендерді Жапонияның астаналық аймағындағы олимпиадалық іс-шараларға жібермеу туралы шешім қабылдады. Бұл туралы ҚазАқпарат COVID-19 таралуына жол бермеу жөніндегі ВАК телеграм каналына сілтеме жасап хабарлайды.
Атап айтқанда, Токиода, Канагавада, Сайтамада және Тибеде көрермендердің қатысуына рұқсат жоқ. Билік сондай-ақ жанкүйерлерді Токиодағы Паралимпиада ойындарына жіберу туралы шешімді қазіргі жағдайды бақылау үшін кейінге қалдырғанын мәлімдеді.
Кипр Министрлер кабинеті коронавирусқа қарсы жаңа шектеулерді бекітті. Енді үй-жайдағы адамдардың ең көп саны SafePass-пен(инфекцияның жоқтығын растайтын өту) 250 адамнан немесе 350 вакциналанған адамнан аспауы керек. Ашық ауада SafePass-пен 350 адамға немесе екпе салдырған 500 адамға дейінгі шектеулер енгізілді.
Әлемде пандемия басталғалы коронавирустан қайтыс болғандар саны 4 миллионнан асты. Сонымен қатар COVID-19 жұқтырудың тәуліктік өсімі бойынша антирекордық көрсеткіш тіркелді, Индонезияда – 38 391 жағдай, Оңтүстік Кореяда – 1 275 жағдай анықталды.
