Ағымдағы жылдың қаңтар-мамыр айларында ауыл шаруашылығының жалпы өнім көлемі 3,1%-ға артып, 1 110 млрд. теңгені құрады, деп хабарлады ҚР АШМ баспасөз қызметі.
Өсім негізінен мал шаруашылығындағы өндіріс көлемінің 3,2%-ға ұлғаюы (1 039,4 млрд. теңге) есебінен қамтамасыз етілді. Атап айтқанда, ет өндіру көлемі тірідей салмақта 5,5%-ға, сүт өндірісі 3,1%-ға өсті.
Аталған кезеңде өсімдік шаруашылығы өнімдері 58,3 млрд. теңгеге өндіріліп, нақты көлем индексі 100%-ды құрады. Бұл көлем ауыл шаруашылығы дақылдарын жабық топырақта (жылыжайда) өсіру есебінен қамтамасыз етілді.
Облыстар бойынша республикалық деңгейден жоғары қарқын төрт облыста байқалды: Ақмола – 113,8%, Павлодар – 103,9%, Батыс Қазақстан және Қарағанды-103,3%.
