TechБасты
Қазақстандағы ең танымал әлеуметтік желі қайсы?
Statcounter Global Stats мәліметтері бойынша 2021 жылы қаңтар айында әлемдегі ең танымал әлеуметтік желі Facebook болды, оның үлесі 69,8% құрады. Одан кейін Pinterest (11,9%), Twitter (9,5%), YouTube (4,9%) және Instagram (2,6%) тұр, деп хабарлады ranking.kz.
Қазақстанда Pinterest әлеуметтік желісі бірінші орынға жайғасқан, оның үлесі 32,7%. Ең көп қолданылатын ТОП-5 әлеуметтік желінің қатарына YouTube (20,4%), «ВКонтакте» (14,9%), Facebook (13,5%) және Twitter (11,3%) енді.
2021 жылдың қаңтарында елде байланыс қызметі өткен жылдың қаңтарымен салыстырғанда 1,7%-ға қымбаттады. Оның ішінде интернетке қосылу үшін абоненттік төлем 2,1%-ға, кабельді теледидар қызметтері 2,4%-ға, ұялы байланыс қызметтерінің бағасы 1,5%-ке өсті.
