Бейбіт Атамқұлов Италия елшісімен және SDF group өкілдерімен кездесті
Кеше ҚР Индустрия және инфрақұрылымдық даму министрі Бейбіт Атамқұлов Италия Республикасының Қазақстан Республикасындағы Төтенше және Өкілетті Елшісі Паскуале Д'Авиномен және Same Deutz-Fahr group (SDF group) компаниясы өкілдерімен кездесті.
Италия елшісі италиялық кәсіпкерлердің Қазақстанға деген қызығушылығы және ЕАЭО елдері нарықтарына шығу мүмкіндігі артып келе жатқаны туралы хабарлады.
Тараптар «АгромашХолдинг» АҚ базасында Италияның «SDF group» трансұлттық холдингінің DEUTZ-FAHR ауыл шаруашылығы техникасының әлемдік брендінің өндірісін орналастыру перспективаларын талқылады.
Министр Қазақстанның өнеркәсіптік саясаты құрастыру өндірісі құрамаларын барынша оқшаулауға және өндірістік кәсіпорындардың тиімді бизнес-моделін құруға бағытталғанын атап өтті.
Сонымен қатар, Бейбіт Атамқұлов Қазақстандағы ауыл шаруашылығы техникасы паркін жаңарту жоспарлары туралы айтты. Ол ҚР ИИДМ елдегі ауыл шаруашылығы техникасының ірі өндірушісі «АгромашХолдинг» АҚ-мен арада ынтымақтастық орнатуда SDF group-қа көмек көрсетуге дайын екенін атап өтті.
