Бүгін Қазақстан халқы Ассамблеясы Ғылыми-сарапшылық кеңесінің кеңейтілген отырысы өтті, деп хабарлайды «Хабар 24». Басқосуда сарапшылар этносаралық саладағы мемлекеттік саясатты жетілдіру мәселесі талқылады. Онлайн өткен конференцияға еліміздің барлық өңірінен 50-ден астам ғалым қатысты.
Айгүл Садуақасова, ҚР АҚДМ қолданбалы этносаяси зерттеулер институтының директорының орынбасары:
– 25 жылда қандай қызмет атқарылды, қандай нәтижеге жеттік, сонымен қатар алдағы мақсаттарды талқылауға жиналып отырмыз. Жалпы, бағыты елдің бірлігіне бағытталып отыр. Бірлікті біртұтастықты қалыптастыру үшін қандай жұмыстар жүргізуіміз керек. Ең басты мақсатымыз, ақпараттық ортада бір өзіміз Қазақстандық азаматтар түсінетін дискус қалыптастыруымыз керек.
