Биылғы наурыз айында кинотеатр билеттерінің құны 1,5 мың теңгеге жетті, бұл өткен жылмен салыстырғанда бірден 16% қымбат, деп хабарлады energyprom.kz.
Еліміздің ірі қалалары мен мегаполистерінің арасында кинотеатр билеттерінің құны Шымкентте (2,6 мың теңге), Атырауда (2,5 мың теңге) және Ақтөбеде (2,1 мың теңге) қымбат болды.
Ең арзан билеттерді Түркістан қаласының тұрғындары сатып ала алады (800 теңге). Бір жыл ішінде кино билеттерінің бағасы тек Қостанайда (3,5%-ке, 1,3 мың теңгеге дейін) және Семейде (2,7%-ке, 1,1 мың теңгеге дейін) төмендеді.
2020 жылдың қаңтар-желтоқсан айларында кино және видеоөндіріс және дыбыстық жазба саласында 41 млрд теңгеге қызмет көрсетілді, бұл өткен жылмен салыстырғанда 37,4% аз.
