2021 жылы Қазақстан Республикасының Президенті 2025 жылға қарай кемінде 100 000 білікті IT-мамандар даярлауды тапсырды. Осы мақсатқа қол жеткізуге Қазақстан Республикасы цифрлық даму, инновациялар және аэроғарыш өнеркәсібі министрлігінің (ЦДИАӨМ) қолдауымен «Astana Hub» IT-стартаптардың халықаралық технопаркі «корпоративтік қоры әзірлеген «Tech Orda» бағдарламасы ықпал етеді. Бұл туралы ЦДИАӨМ баспасөз қызметі хабарлайды.
«Tech Orda» бағдарламасы IT-саладағы еңбек нарығының ағымдағы және перспективалық қажеттіліктерін ескере отырып әзірленген. Оның негізгі мақсаты – заманауи ақпараттық технологиялар индустриясының талаптарына сәйкес келетін білікті кадрларды даярлау. Жеке тұлғаларды оқытуға қаржылай қолдау көрсете отырып, бағдарлама IT-кадрлар мен жеке it-мектептердің дамуын ынталандырады.
2022 жылы Бағдарламаны іске асыра басталғаннан бері 49 it-мектеп 146 курс бойынша 3 068 студент оқыды. 2023 жылдың қорытындысы бойынша аккредиттелген IT-мектептер саны 83-ке дейін өсіп, 219 курс бойынша 3 183 студентті оқытуды қамтамасыз етті. Оның 34% – ы Қазақстанның өңірлерінде орналасқан, бұл бағдарламаның ел бойынша кең ауқымы мен әлеуметтік маңыздылығын көрсетеді. Осы кезеңде бағдарлама шеңберінде бөлінген ваучерлердің жалпы саны 6 251 құрады.
Бұл ретте, «Tech Orda» бағдарламасының орташа жалақысы 453 244 теңгені құрайды, бұл елдегі орташа жалақыдан 30% – ға артық.
«Tech Orda» бағдарламасының IT-секторды дамытуға қосқан елеулі үлесі оның түлектерін жалдауды қалайтын жұмыс беруші компаниялар санының артуынан да көрінеді. Барлығы 1079 компания, соның ішінде ірі ойыншылар Kaspi.kz, Halyk Bank, RBK және басқалар, бағдарлама түлектерінің біліктілігіне сенеді.
Осылайша, үкіметтің қолдауының арқасында «Tech Orda» білім берудің жоғары стандарттарын практикалық бағдарлаумен сәтті үйлестіреді, бұл жас мамандар үшін IT саласында табысты мансапқа жол ашады. Бұл бағдарлама өзінің маңыздылығы мен тиімділігін растай отырып, қазақстандық IT-секторды дамыту үшін іргетас болып қала береді.
