Нұр-Сұлтан қаласының әкімі Алтай Көлгінов COVID-19-бен күресуге арналған STEM олимпиадасында әзірленген мектеп оқушыларының жобаларымен танысты. Бұл туралы ол өз инстаграмда парақшасында бөлісті, деп хабарлайды Jana-kezen.kz
«Пандемия цифрландыру мен IT-технологияларды дамытуға ерекше назар аудару қажет екенін көрсетті. Бүгін STEM олимпиадасында оқушыларды тыңдадым. Тақырып коронавируспен күресуге арналған жобаларға арналды. Оқушылар өз жобаларын таныстырды.
Мысалы, адамдар сұрақтарға жауап бере отырып, инфекцияны жұқтыру % – ін және емдеудің келесі қадамдарын көре алатын сайт; температураны бекітуге арналған білезік; тұрғындардың кіруін/шығуын тіркейтін және антисептиктерді қолдану қажеттілігі туралы сигнал беретін робот және т. б.
Елордалық STEM олимпиадасының жеңімпаздары бағалы сыйлықтармен марапатталып, Республикалық олимпиадаға жолдама алды. Сәттілік пен табыс тілеймін!», – деп жазды Алтай Көлгінов.
