Қарағанды техникалық университеті жас ғалымдар арасында ғылыми жобалар байқауын өткізеді. Үш жеңімпаз грант алады, деп хабарлайды Jana-kezen.kz облыс әкімдігінің баспасөз қызметіне сілтеме жасап.
Өтінімдер 1-19 қазан аралығында қабылданады. 20-30 қазан аралығында жобаларды байқау комиссиясы тыңдайды.
Байқауға 35 жасқа дейінгі ғалымдар қатыса алады.
Бірінші санаттағы грант 600 мың теңгені, екінші – 500 мың теңгені, үшінші – 400 мың теңгені құрайды.
Өтінімдер электронды және қағаз түрінде қабылданады (Қарағанды техникалық университетінің бас ғимараты, каб. 226).
Толық ақпаратты: (8-7212) 56-51-87 телефоны арқылы алуға болады, e-mail: science@kstu.kz.
