Қабылданған шұғыл шаралар нәтижесінде әуе және жерүсті техникасын қолдануды ескере отырып, өртке қарсы бөлімшелердің тәулік бойы жұмыс істеуінің арқасында Абай облысындағы табиғи өртті 25 мамыр күні кешке оқшаулауға мүмкіндік туды, деп хабарлайды ҚР ТЖМ.
ТЖ министрі Юрий Ильиннің үкіміне сәйкес жергілікті жерді тұрақты аэровизуалды тексеру жалғасуда.
Өрт орнында көмек беру құралдарын қолдана отырып, қарауылдау ұйымдастырылған.
Министрліктің мәліметінше, орман өртін сөндіруге жеке құрамның 800-ден астам адамы, 200-ден астам техника, 1 өрт сөндіру пойызы жұмылдырылған. Сондай-ақ 10 тікұшақ: ТЖМ-5, Қорғаныс министрлігі-3, экология министрлігі-2. Барлығы 357 892,5 тонна су төгілді.
Өртті оқшаулаудың жалпы ауданы шамамен 3500 га құрады.
Сөндіру тығыз өсіп келе жатқан дақылдар мен сортаң учаскелердің болуымен қиындады, желдің екпіні 6-10 м/с болды, бұл өрттің өршуіне алғышарттар жасады.
Қазіргі уақытта жағдай бақылауда, техника мен жеке құрам өрт қалдықтарындағы шоқтарды жою үшін жедел ден қоюды жалғастыруға дайын.
