PoliticsБасты

Индустрия және инфрақұрылымдық даму министрлігінің жаңа баспасөз хатшысы тағайындалды

Жанжігіт Омархан Индустрия және инфрақұрылымдық даму министрлігінің баспасөз хатшысы болып тағайындалды.

Бұған дейін ол ШҚО әкімдігінде БАҚ-пен жұмыс жөніндегі құрылымдарды басқарған болатын.

Ж.Омархан Шәкәрім атындағы Семей мемлекеттік университетінде «Журналистика» және «Құқықтану» мамандықтары бойынша білім алған, сондай-ақ Қазақ инновациялық гуманитарлық-заң университетінің «Мемлекеттік және жергілікті басқару» мамандығының түлегі.  Л.Н. Гумилев атындағы Еуразия ұлттық университетінің «Журналистика» мамандығы бойынша магистратурасын тәмәмдаған.

Еңбек жолын 2009 жылы «Астана» телеарнасында бастады, онда журналист-редактор және бағдарламалар жүргізушісі болып жұмыс істеді.

2011-2015 жылдар аралығында «QAZAQSTAN» ұлттық телеарнасы және «Еуразия – Бірінші арнасында» бағдарламалар мен ток-шоулардың жүргізушісі.

2016 жылы – «Астана» телеарнасының «Өзекті» авторлық бағдарламасының жетекшісі және жүргізушісі.

2018-2019 жылдары – Жамбыл облысының «Өңірлік коммуникациялар қызметі» Коммуналдық мемлекеттік мекемесінің басшысы, «ҚазАвтоЖол «ҰК» АҚ баспасөз қызметінің жетекшісі.

2019 жылдан 2021 жылға дейін – Қазақстан Республикасы Ауыл шаруашылығы министрінің баспасөз хатшысы қызметiн атқарды.

Басқа жаңалықтар

Back to top button