«Атамекен» ұлттық кәсіпкерлер палатасының төрағасы Тимур Құлыбаев қызметінен кетті. Бұл туралы палата сайтында жарияланған президиум төрағасының арнайы үндеуінде айтылды.
«Бүгіннен бастап мен «Атамекен» ұлттық кәсіпкерлер палатасы төралқасының сайланған төрағасы ретіндегі өкілетімді доғаруды ұйғардым.
Съез делегаттары мен төралқа мүшелеріне маған сенім білдіргені үшін алғыс айтқым келеді. Ұлттық кәсіпкерлер палатасының жоғары бақылау органын сегіз жыл бойы басқару мен үшін үлкен құрмет пен жауапкершілік болды», — делінген үндеуде.
Үндеуінде қатардағы сарапшылардан бастап аудандық филиалдардың басшыларына дейін – «Атамекен» ұжымына бірлескен нәтижелі жұмыс үшін ризашылығын білдірді.
