2006 жылғы үлгідегі банкноттарды айырбастау 2020 жылдың 21 желтоқсанынан 2021 жылдың 1 ақпанына дейін ұзартылған еді.
«Осы номиналдардағы банкноттарды ауыстыру мерзімін ұзарту туралы шешімді Ұлттық банк азаматтардың өтініштеріне байланысты қабылдаған. Айырбастау тек жеке тұлғалар үшін Ұлттық банктің филиалдарында 2020 жылдың 21 желтоқсанынан бастап 2021 жылдың 1 ақпанына дейін жүргізілді. Осы кезеңде банкноттарды ауыстыруға қатысты өтініштердің көп бөлігі Алматы қаласының (28,2%), Нұр-Сұлтан қаласының (9,5%) және Қарағанды облысының (7,5%) тұрғындарынан түсті. Айырбастауға қабылданған купюралардың негізгі үлесі номиналы 2 000 теңгелік (44,1% ) банкнотаға тиесілі болды, одан кейін 5 000 (30,9%) және 10 000 теңгелік (25,0%) банкноттар», деп хабарлады Ұлттық банктен.
