«Сот орындаушысы роботын» іске қосу 600 млн теңгеге дейін қаражат үнемдеуге мүмкіндік берді

Премьер-министр Олжас Бектенов халыққа заң көмегін көрсету үдерістерін жетілдірудің маңыздылығын атап өтті, деп хабарлайды ҚР Үкіметінің баспасөз қызметі.

Үкімет отырысында «Робот – сот орындаушысы» жобасын іске қосу арқылы аталған цифрлық шешімді қолдану нәтижелері қаралды. Мәселен, робот іске қосылған 2024 жылдың тамыз айынан бері 125 мыңнан астам құжат орындалған. Ал, рәсімдерден өту кезінде азаматтар 600 млн теңгеден астам қаражат үнемдеген.

Премьер-министр Әділет министрлігіне атқару құжаттарының оңайлатылған тәртіппен орындауға болатын тізбесін кеңейтуді тапсырды, бұл – сот актілерін орындаудың тиімділігін арттырады.