Әлеуметтік желіде және кейбір БАҚ беттерінде Ресей жыл аяқталғанша елден жеңіл автокөлік шығаруға тыйым салды деген ақпарат пайда болды. Мұндай шектеу Қазақстанға келетін машина санын кәдімгідей азайтады. Бұл туралы kolesa.kz жазды.
Шын мәнінде РФ үкіметінің автокөлік, машина жинақтары, ауылшаруашылық техникасы мен тағы бірнеше тауар түрін елден шығаруға тыйым салатын № 311 қаулысының ЕЭО, Абхазия және Оңтүстік Асетия елдеріне қатысы жоқ.
Қысқаша айтқанда, бұл шектеу тек ЕЭО құрамына кірмейтін елдерді қамтиды.
Бірақ жоғарыда аталған тауарларды елге әкелу үшін ресейлік Өнеркәсіп және сауда министрлігінің рұқсатын алу керек. Бұл жөнінде № 312 қаулыда жазылған.
