Қызылорда облысының ауылдық елді мекендерінің 80%-ы осы жылдың соңына дейін Интернет желісімен қамтылатын болады, деп хабарлайды Jana-kezen.kz облыс әкімдігінің баспасөз қызметіне сілтеме жасап.
Цифрлық теңсіздік проблемасын жою мақсатында ағымдағы жылдың соңына дейін Қызылорда облысының 23 ауылдық елді мекенінде ұялы байланыс операторларының базалық станцияларын салу жоспарлануда. Осылайша, 2020 жылдың соңына қарай облыстың ауылдық елді мекендерін Интернет желісімен қамту 80%-ға жеткізіледі.
Бұл ауыл тұрғындарына электрондық мемлекеттік қызметтерге, онлайн-саудаға, түрлі білім платформаларына, медициналық қызметтерге және т. б. қолжетімділікті қамтамасыз етеді.
