Енді eGov Mobile көмегімен Интернет желісін қосу оңай және жылдам болады
![](https://jana-kezen.kz/wp-content/uploads/2023/01/egov-780x470.jpg)
ЦДИАӨМ қазақстандықтарға eGov Mobile мобильді қосымшасының көмегімен үй интернетін қосу мүмкіндігін беретін жаңа сервисті ұсынады
Бұл инновациялық сервис «Ұлттық ақпараттық технологияла» АҚ-мен бірлесе әзірленді және азаматтарға eGov Mobile мобильді қосымшасы арқылы Интернетті қосуға оңай өтініш беруге мүмкіндік береді. Өтініш беру процесі операторларға автоматты түрде жіберіледі, сонымен қатар қажетті желілік инфрақұрылымның болуын тексеруді қамтиды, деп хабарлайды ҚР ЦДИАӨМ баспасөз қызметі.
Қазіргі уақытта сервиске «Қазақтелеком» АҚ байланыс операторы қосылған және жақын арада қазақстандықтарға тарифтердің барынша кең таңдауын қамтамасыз ету үшін басқа операторлар да қосылады.
Қызметті қалай пайдалануға болады? Ол оңай жасалады:
– «Сервистер» – «Басқалар» бөліміне өтіп, «Интернетті қосу» тармағын таңдаңыз.
– «Маған қайта қоңырау шалу» түймесін басып, рұқсат беріңіз.
– Қажетті тарифті таңдап, «Өтініш беру» түймесін басып, деректерді растаңыз.
– Сіздің өтінішіңіз қабылданды!
Өтініш бергеннен кейін өтініш нөмірі мен мәртені бақылау сілтемесі бар SMS жолданады.
Егер үйіңізде оптикалық желілер болмаса, оператор мамандары балама қосылым опцияларын ұсыну үшін бір сағат ішінде хабарласады.
Интернетті қосу процесі әр азамат үшін барынша ыңғайлы және қарапайым болды. Сұрақтар туындаған жағдайда оператордың байланыс орталығына хабарласу қажет.