Коронавирус жаһанды жайлағалы екі жылға жуық уақыт өтті. Әлем бойынша 195 миллионнан астам адам ауырып үлгерді. Мұның бәрі қашан аяқталатыны белгісіз, себебі күн сайын жаңа штамдар пайда болып жатыр.
Адамзат тарихында бұдан басқа да қауіпті пандемиялар болған. Бұл туралы 24kz жазды.
1. Юстиниан обасы
Ұзақтығы: 226 жыл (541-767)
Адам шығыны: 15-50 млн адам
Бұл Қытайдан Мысырға дейінгі кең аумақты жайлаған бубон обасының алғашқы ірі ошағы. Пандемияның мұндай кең таралуы шексіз әскери жорықтармен және Византия билеушілерінің бүкіл Жерорта теңізін бір адамның билігі астында біріктіруге ұмтылуымен түсіндіріледі. Ғалымдар екі ғасыр ішінде аурудың 18 толқыны болғанын атап өтті.
2. Үшінші оба пандемиясы
Ұзақтығы: 100 жыл (1850-1950)
Адам шығыны: 15 миллион адам
Оба Қытайда пайда болып, әрі қарай Үндістанға тарайды. ХХ ғасырдың ортасында ғана аурудың өршуін оқшаулауға мүмкіндік туды.
3. Тырысқақ (Холера)
Ұзақтығы: 11 жыл (1836-1847)
Адам шығыны: 2 млн адам
Тырысқақ Еуропаны ғана емес (оның ішінде Ресейді де), АҚШ-ты да қамтыған алғашқы пандемиялардың бірі болды. Бұл ауруды мигранттар мен саудагерлер әкелген.
4. Қара өлім
Ұзақтығы: 7 жыл (1347-1354)
Адам шығыны: 55 млн адам
Бұл дәрігерлер өте қорқынышты кейіпке енген ең танымал оба пандемиясы. Алғашқы індет Солтүстік Африкада басталып, теңізшілер арқылы Франция мен Англияға тарады.Адамның мұндай үлкен шығынын тиімсіз емдеумен түсіндіруге болады: науқастар шөптермен емделген.
5. Испан тұмауы
Ұзақтығы: 2 жыл (1918-1920)
Адам шығыны: 50 млн адам
Алғашқы науқастар Американың Канзас штатының тұрғындары болды. Ол кезде Бірінші дүниежүзілік соғыс жүріп, вирус Еуропаға әскери күштермен келді. Бұл пандемия болғандықтан, оның таралуымен карантин арқылы күресілді, сондықтан ол тек адам өміріне ғана емес, сонымен бірге экономикалық шығындарға да әкелді.
