Атырау облысында 222 адам өз бизнесін бастау үшін несие мен гранттар алған, деп хабарлайды Jana-kezen.kz
Атырау облысының әкімі Махамбет Досмұхамбетовтің мәліметінше, биылғы алты айда «Еңбек» бағдарламасы аясында берілген несие мен гранттардың жалпы сомасы 600 млн теңгені құрап отыр. Бұл қаржыны бизнесін бастау үшін 222 адам алған.
«Биыл кәсіпкерлік негіздеріне 368 адам оқытылды. Ал, қысқа мерзімді оқуға 677 адам жіберілді. Сонымен бірге, 3 320 адам тұрақты жұмысқа, 4 600 адам қоғамдық жұмыстарға, жастар тәжірибесіне, әлеуметтік жұмыс орындарына орналастырылды»,- деді Махамбет Досмұхамбетов.
