Нұр-Сұлтанда соңғы тәулікте карантин режимін бұзудың 60 жағдайы тіркелді. Бұл туралы рейд барысында Нұр-Сұлтан қалалық полиция бөліміне қарасты Есіл аудандық полиция бөлімінің бастығы Мадияр Айтуғанов мәлім етті, деп хабарлайды Jana-kezen.kz
«Тәртіп сақшылары, эпидемиологтар, еріктілер, жергілікті атқарушы органдардың өкілдері карантиндік режимнің бұзылу жағдайларын анықтау мақсатында рейд жүргізуді жалғастыруда. Өткен тәулік ішінде Нұр-Сұлтанда мобильді топтар карантин режимін бұзудың 60 жағдайын анықтады. Олардың 42-сі маска кию мен әлеуметтік қашықтықты сақтаудың міндетті талаптарын бұзу, сондай-ақ 18-і тыйым салынған уақытта жұмыс істейтін кәсіпкерлік субъектілерінің ереже бұзуы», – деді Мадияр Айтуғанов.
Қалалық полиция департаменті іс-материалдары Нұр-Сұлтан қаласындағы тауарлар мен қызметтердің сапасын бақылау және бақылау департаментіне тапсырылғанын хабарлады.
Жалпы елордада мониторинг бойынша 16 мобильді топ бар. Олар ойын-сауық мекемелері, тамақтану орындары, монша, аттракциондарды аралап, олардың иелеріне қазіргі карантиндік шаралар туралы ескертеді.
«Мысалы сағат 23:40-та Сәтбаев көшесінде 12 адам отырған компьютерлік клуб анықталды. Тәуелсіздік көшесінде тағы бір компьютерлік клубтың жұмысын тоқтаттық. Ол компьютерлік клубта 5 адам, оның ішінде кәмелетке толмаған бір бала болды. Денсаулық сақтау органы клуб әкімшісіне қатысты әкімшілік хаттама толтырды. Түнгі уақытта ойын-сауық мекемесіне заңды өкілсіз барғаны үшін кәмелетке толмаған баланың ата-анасына қатысты да әкімшілік хаттама толтырылды. Сонымен қатар қазіргі шектеулерге қарамастан, Тархан көшесіндегі кафе түнде келушілерді қабылдай берген. Карантин кезеңінде, осы жылдың 5 шілдесінен бастап аталған мекеменің иесі карантин режимін 7 рет бұзды. Соған қарамастан өз қызметін жалғастыра берген. Меншік иесін әкімшілік жауапқа тауарлар мен қызметтердің сапасын бақылау департаментінің мамандары тартты «, – деп түсіндірді спикер.
Сонымен қатар, 18 шілдеде сағат 20:30-да полиция қызметкерлері массаж салонындағы ереже бұзушылықты анықтады. Айша бибі көшесіндегі коттеджде орналасқан бұл ұйым тыйым салынғанына қарамастан жұмыс істеген. Онда 14 адам болды. Салонға қатысты материалдар Нұр-Сұлтан қаласындағы тауарлар мен қызметтердің сапасы мен қауіпсіздігін бақылау бөліміне жіберілген.
