Ол ҚР Қауіпсіздік Кеңесі Хатшысының бірінші орынбасары лауазымына тағайындалды, деп хабарлайды Ақорданың баспасөз қызметі.
«Мемлекет басшысының өкімімен Руслан Фатихұлы Жақсылықов Қазақстан Республикасы Қауіпсіздік Кеңесі Хатшысының бірінші орынбасары лауазымына тағайындалды», – делінген хабарламада.
Атап өтсек, 2025 жылы 8 маусымда Мемлекет басшысының Жарлығымен Руслан Жақсылықов Қазақстан Республикасының Қорғаныс министрі лауазымынан босатылған болатын.
