Қазіргі таңда ұзындығы 70 мың шақырым болатын жергілікті жолдардың 63,7 мың шақырымы немесе 91%-ы нормативтік жағдайға келтірілген. Салыстырмалы түрде, 2023 жылдың басында бұл көрсеткіш 85% болған.

2023–2025 жылдары жергілікті жолдардың 13,3 мың шақырымы жөндеу және жол-құрылыс жұмыстарымен қамтылды. Оның 10,6 мың шақырымы пайдалануға берілді. Атап айтқанда, 2023 жылы 4,9 мың шақырымда, 2024 жылы 4,3 мың шақырымда, 2025 жылы 4,1 мың шақырымда тиісті жұмыстар жүргізілді.

Жұмыстар биыл да жалғасуда. 2026 жылы жергілікті маңызы бар тағы 2,4 мың шақырым жол жөндеу және жол-құрылыс жұмыстарымен қамтылды.

Бұл ретте мақсат жекелеген проблемалы учаскелерді жөндеумен ғана шектелмейді. Негізгі міндет – алдағы жылдарға тұрақты әрі сапалы жол желісін қалыптастыру. Осыған байланысты жолдардың техникалық жағдайын кезең-кезеңімен жақсарту, оның ішінде қиыршықтас және тас материалдардан жол жамылғысын төсеу көзделген.

Жалпы, талаптарға сәйкес келтіру үшін шамамен 14 мың шақырым жергілікті жолды қамту жоспарланып отыр. Бұл жұмыстарды іске асыру 2029 жылға қарай нормативтік жағдайдағы жергілікті жолдардың үлесін 95%-ға дейін жеткізуге мүмкіндік береді.

Осылайша, жергілікті жолдарды дамыту бір реттік жөндеу жұмыстары емес, жүйелі түрде жүзеге асырылатын ұзақ мерзімді үдеріске айналуда. Негізгі бағыт – ең проблемалы учаскелерді қалпына келтіруден бастап, жол желісін кешенді жақсартуға және елді мекендер арасындағы тұрақты көлік қатынасын қамтамасыз етуге дейінгі жұмыстарды кезең-кезеңімен жүргізу, – делінген хабарламада.

Сообщение Қазақстанда жергілікті маңызы бар автожолдар желісін жаңарту жұмыстары жалғасуда появились сначала на Жаңа кезең.

Биыл олимпиаданың алғашқы кезеңіне 135 мың оқушы тіркелді. Бұл өткен жылмен салыстырғанда шамамен 10 мың оқушыға көп.

Олимпиада 13 жалпы білім беретін пәнді қамтиды. Оның 6-уы жаратылыстану-математикалық, 7-уі қоғамдық-гуманитарлық бағытқа жатады. Зияткерлік сайыс жалпы төрт кезеңнен тұрады.

Аудандық кезеңнің жеңімпаздары 26-31 қазан аралығында өтетін облыстық кезеңге жолдама алады.

Оқу-ағарту министрлігі ауыл мектептеріндегі дарынды балаларды анықтау және қолдау мақсатында республикалық олимпиада өткізеді. Бұл оқушыларға өз қабілеттерін ашуға және зияткерлік жарыстарда білімін көрсетуге мүмкіндік береді. Олимпиада өткізіле бастағаннан бері ауыл оқушыларының республикалық олимпиадалар мен байқауларға қатысу көрсеткіші 10 есеге артты.

Сообщение 70 мыңнан астам ауыл оқушысы республикалық олимпиаданың аудандық кезеңіне қатысуда появились сначала на Жаңа кезең.

Бүгінде университетте 2026-2027 оқу жылында 16 елден келген 272 шетелдік азамат білім алады. Оның 242-сі негізгі білім беру бағдарламаларында, 30-ы биыл алғаш рет іске қосылған дайындық бөлімінде оқып жатыр. Осы оқу жылында университетке 172 шетелдік азамат қабылданды. Оның 142-сі бакалавриаттың бірінші курсына, 30-ы дайындық бөліміне қабылданған. Бірінші курс студенттері 13 мемлекеттің өкілдері болса, 2-4-курстарда 12 елден келген 100 шетелдік студент білім алуды жалғастырмақ.

Шетелдік білім алушылардың арасында Ресей, Түрікменстан және Өзбекстан азаматтары басым. Сонымен қатар университетте Әзербайжан, Германия, Қытай, Украина, Қырғызстан, Палестина, Армения, Ауғанстан, Тәжікстан, Индонезия, Бангладеш, Моңғолия және Беларусь азаматтары білім алады.

Шетелдік талапкерлерді тарту бағытындағы жұмыстар Study in Kazakhstan бастамасы аясында жүйелі түрде жүргізіліп келеді. Соңғы оқу жылында университет өкілдері Үндістан, Қытай, Моңғолия, Қырғызстан және Өзбекстанға барып, әлеуетті талапкерлермен кездесулер өткізді. Кездесулер барысында инженерлік-техникалық бағыттағы білім беру бағдарламалары, қабылдау талаптары және Қазақстанда білім алу мүмкіндіктері таныстырылды.

Сонымен қатар биыл Қазақстан Республикасының шетел азаматтарына арналған мемлекеттік стипендиялық бағдарламасы аясында университетке 10 шетелдік азамат қабылданды. Оның сегізі бакалавриатта, екеуі магистратурада білім алады.

International Students Welcome Day барысында шетелдік студенттерге университеттің білім беру мүмкіндіктері, академиялық ұтқырлық бағдарламалары, халықаралық жобалар, цифрлық сервистер, студенттік өмір және білім алушыларға көрсетілетін қолдау шаралары таныстырылды. Университет басшылығы, факультет декандары және шетелдік студенттермен жұмыс істейтін құрылымдық бөлімшелердің өкілдері білім алушылардың сұрақтарына жауап берді.

Кездесуде шетел азаматтарының Қазақстан Республикасында болу тәртібі мен көші-қон талаптарын сақтау мәселелеріне де ерекше назар аударылды. Сондай-ақ SafeTravel.kz жобасы аясында шетелдік студенттерге тегін SIM-карталар табысталды.

Іс-шара шетелдік білім алушылардың Қазақстандағы оқу және тұрмыс жағдайларына бейімделуіне, қажетті ақпаратты тікелей алуға және университет қауымдастығына белсенді араласуына мүмкіндік берді.

Сообщение Study in Kazakhstan: Қарағанды техникалық университетінде 16 елдің студенттері білім алып жатыр появились сначала на Жаңа кезең.

Бұл туралы Қазақстан Республикасы Премьер-министрінің орынбасары – ұлттық экономика министрі Серік Жұманғариннің төрағалығымен өткен ауыл халқының қажеттіліктері үшін жерлерді қайта бөлу және жер ресурстарын ұтымды пайдалану мәселелері жөніндегі Республикалық комиссияның отырысында айтылды.

Ауыл шаруашылығы вице-министрі Азат Сұлтановтың айтуынша, бір жыл бұрын Мемлекет басшысының Жолдауында жүктелген 13,5 млн гектар ауыл шаруашылығы жерін қайта бөлу жөніндегі тапсырма орындалды.

Оның ішінде 5,5 млн гектар жер жалпыға ортақ пайдаланылатын жайылым ретінде бекітілсе, 8 млн гектар жер ауыл шаруашылығын жүргізу үшін азаматтар мен басқа да жер пайдаланушыларға конкурстық негізде берілді.

Мемлекет меншігіне қайтарылған жерлерді қайта бөлу жұмыстары жалғасуда. Сонымен бірге бірқатар өңірде бұл жерлерді түпкілікті пайдаланушыларға беру қарқыны төмен болып отыр. Атап айтқанда, Атырау облысында бұл көрсеткіш 32,4%-ды, Маңғыстау облысында – 24,6%-ды, Ұлытау облысында – 21,1%-ды құрайды.

Отырыста тозған жайылымдарды қалпына келтіру мәселесіне де ерекше назар аударылды. Тиісті шараларды пысықтау үшін жайылымдарды басқарудың бекітілген жоспарлары бар және геоботаникалық зерттеулер жүргізілген үш пилоттық аудан айқындалды.

Алматы облысының Райымбек ауданында пилоттық жоба өнімділігі төмендеп, жергілікті деңгейде тозу белгілері байқалған 9,2 мың гектар таулы және тау бөктеріндегі жайылымды қамтиды.

Ақтөбе облысының Хромтау ауданында мал жайылымына түсетін жүктемесі жоғары елді мекендердің 17,4 мың гектар жайылымы қамтылады.

Ақмола облысының Целиноград ауданында елді мекендерге жақын орналасқан, барынша тозған 6,6 мың гектар далалық жайылымда тиісті шаралар жүзеге асырылады.

Осылайша, пилоттық учаскелердің жалпы аумағы 33 мың гектарды құрайды. Қарастырылған шаралар жайылымдардың өнімділігін қалпына келтіруге және халықты мал жаюға қажетті жайылымдық алқаптармен қамтамасыз етуге бағытталған.

Серік Жұманғарин мемлекет есебінен қажетті инфрақұрылыммен қамтамасыз етілген ауыл шаруашылығы жерлерін беру олардың жер пайдаланушылар тарапынан тиімді пайдаланылуына қатысты нақты міндеттемелермен қатар жүруге тиіс екенін атап өтті.

«Егер мемлекет жерді суару үшін инфрақұрылым жасаса, жер пайдаланушы тарапынан да тиісті міндеттемелер болуы керек. Атап айтқанда, суару жүйелерін орнату, жерді нысаналы мақсатына сай пайдалану, рентабельді ауыл шаруашылығы дақылдарын өсіру және басқа да міндеттер көзделуі тиіс. Жер өз мақсатына сай пайдаланылып, нақты нәтиже беруі керек. Егер мұндай жерлер ұтымды немесе нысаналы мақсатына сәйкес пайдаланылмаса, мемлекет оларды қайтадан ауыл шаруашылығы айналымына қайтаруы қажет», – деді Серік Жұманғарин.

Отырыста мемлекет меншігіне қайтарылған жерлерді жаңа пайдаланушыларға беру кезінде туындайтын мәселелер де қаралды. Олардың қатарында жер учаскелеріне құқықтардың тоқтатылғанын тіркеудің нақты міндетті мерзімдерінің белгіленбеуі, пайдаланылмай жатқан жерлерді иесіз мүлік деп тану рәсімдерінің ұзақтығы және өзге де әкімшілік кедергілер бар.

Сообщение Бұрын пайдаланылмаған 792,5 мың гектар ауыл шаруашылығы жерін игеру жұмыстары басталды появились сначала на Жаңа кезең.

Тиісті қаулыға Премьер-министр Олжас Бектенов қол қойды.

Кәсіпорыс құрылысын 2026 жылдың IV тоқсанында бастау, ал оны пайдалануға беру 2029 жылға жоспарланып отыр. Инвестициялардың жалпы көлемі 60 млрд теңгені, жобалық қуаттылығы – жылына 256 млн бірлік шыны ыдыс өндіруді құрайды.

Қазіргі уақытта Ақтөбе облысында шыныдан жасалған өнімнің өзіндік өндірісі жоқ. Жаңа зауыт отандық шыны ыдыстың өндірісін ұлғайтуға және оның ішкі нарықтағы ұсынысын кеңейтуге мүмкіндік береді. Кәсіпорын өнімдерінің 80%-на дейін Қазақстанда сату, қалған бөлігін Орталық Азия елдерінің нарықтарына шығару жоспарлануда.

Өндіріс шикізатты сұрыптаудың, технологиялық үдерістерді басқарудың және сапаны бақылаудың заманауи автоматтандырылған жүйелерімен жарақтандырылатын болады. Өнімді шығару кезінде отандық табиғи минералды шикізатты, сондай-ақ қазақстандық өндірушілердің тауарларын, жұмыстары мен қызметтерін пайдалану жоспарлануда.

Жоба сонымен қатар қайталама шикізатты пайдалануды біртіндеп арттыруды көздейді. Жобаны қаржыландыру кезеңінде оларды өндірісте қайта пайдалана отырып, 245 мың тоннадан астам шыны қалдықтарын қайта өңдеу жоспарлануда.

Жоба аясында 300-ге жуық тұрақты жұмыс орны ашылады. Қазақстандық мамандар үшін үздіксіз оқыту және біліктілікті арттыру көзделген.

Кәсіпорынның іске қосылуы тамақ және қайта өңдеу өнеркәсібі тарапынан қосымша сұраныс туғызады: отандық шыны ыдыстың ұсынысын ұлғайту жеткізу мерзімдерін қысқартуға және аралас салалардағы кәсіпорындарды жабдықтаудың тұрақтылығын арттыруға мүмкіндік береді. Қайталама ресурстар секторы да дамиды – ең алдымен, шыны сынықтарын жинау, сұрыптау және кейіннен оларды қайта өңдеп, өндірісте қайта пайдалану үшін шоғырландыру бағытында жұмыс жүргізіледі.

Сообщение Инвестициялар туралы келісім: Ақтөбеде шыны ыдыс шығаратын зауыт салынады появились сначала на Жаңа кезең.

«2027 жылы жалпы қуаты 186 МВт болатын деректер орталықтарын іске қосуды жоспарлап отырмыз. Ал 2028 жылдың екінші тоқсанында тағы 109 МВт қуат іске қосылады. Firebird AI компаниясымен $10 млрд көлемінде келісімдер топтамасына қол қойылды. Жобаға 20-дан астам халықаралық технологиялық компания мен инвестор қызығушылық танытып отыр», — деді Жаслан Мәдиев.

Сонымен қатар вице-премьер робототехника және Physical AI бағыттарын дамыту аясында Астана мен Алматыда екі зауыт салынып жатқанын, олардың құрылысын келесі жылы аяқтау жоспарланып отырғанын атап өтті. Сонымен қатар ұшқышсыз ұшу жүйелері мен төмен биіктікте ұшу технологиялары дамытылуда.

«Астана, Алматы және Қосшы қалаларында ұшқышсыз такси жобасы пилоттық режимде жүзеге асырылуда, Алматыда дрондар арқылы тауар жеткізу бойынша пилоттық жоба іске қосылды. 2027 жылы коммерциялық сапарларды іске қосу және дрондар арқылы жеткізу ауқымын кеңейту, ал 2028 жылы аэротакси арқылы коммерциялық ұшуларды бастау жоспарланып отыр. Әр кезеңде негізгі басымдық – қауіпсіздік пен инфрақұрылымның дайындығы», — деді Жаслан Мәдиев.

Спутниктік жүйелер саласында байланысты екі KazSat аппараты қамтамасыз етеді. Олардан түсетін кіріс 72 млрд теңгені құрайды. 2029 жылға дейін KazSat-3R аппаратын құру көзделген.

Жерді қашықтан зондтау жүйесінде үш спутник жұмыс істейді. Соңғы бес жылда ғарыштық мониторингтен 977 млрд теңге экономикалық әсер алынды. Алты жаңа аппарат құру және $70 млн көлемінде экспортты қамтамасыз ету жоспарланып отыр. 2030 жылға қарай халықаралық топтастыру құрамындағы спутниктер санын 14-ке жеткізу көзделген.

Сообщение Қазақстанда жаңа технологиялық салалар қалыптастырылуда появились сначала на Жаңа кезең.

«Ауылдық жерлерде биылғы жоспар бойынша 1,6 мың ауылдың 370-і байланысқа қосылды, жалпы ұзындығы 11 819 шақырым байланыс желісі тартылды. 2027 жылы облыстық және республикалық маңызы бар 40 мың шақырым автожолды байланыспен қамту жоспарланған. Бұл үшін 500-ден астам антенна-мачталық құрылым орнату көзделген», — деді Жаслан Мәдиев.

Сонымен қатар 20-дан астам қалада 5G желісінің 4 мыңнан астам базалық стансасы орнатылды. Beeline және Starlink Mobile компанияларымен бірлесіп, Direct-to-Cell технологиясы іске қосылды. Ол спутник пен смартфон арасындағы тікелей байланыс арқылы елдің кез келген нүктесінде хабарлама жіберуге және интернеттің базалық қызметтерін пайдалануға мүмкіндік береді.

«50 теміржол бағыты бойынша жүретін 124 пойыздың 1 500 вагоны интернетпен қамтылды. 7 ұшақ пен 50 туристік нысанды интернетке қосу жұмыстары жалғасуда. Жалпы ұзындығы 4 511 шақырым болатын “Батыс – Шығыс” гипермагистралінің жартысы тартылды», — деді вице-премьер.

Сообщение Биыл Қазақстанда 1,6 мыңға дейін ауылды интернетке қосу жоспарлануда появились сначала на Жаңа кезең.

Бүгінде өңірде жалпы белгіленген қуаты 159,7 МВт болатын 8 ЖЭК нысаны жұмыс істейді. Оның ішінде:

• 7 жел электр станциясы – 129,7 МВт;
• 1 күн электр станциясы – 30 МВт.

Жел энергетикасы ерекше орын алады. Өңірдегі ең ірі нысан – Аягөз ауданында орналасқан қуаты 100 МВт «Абай-1» жел электр станциясы.

Сондай-ақ облыста «Винд Чарск», «ВЭС-Чарск», «Чарск Ветер», DES Consulting, Ventum Energy және EastWindEnergy жел энергетикасы нысандары жұмыс істейді.

Күн энергетикасы Жарма ауданында орналасқан қуаты 30 МВт «Жангиз Солар» электр станциясымен ұсынылған.

Сонымен қатар облыста жел және күн энергетикасы саласындағы жаңа жобаларды іске асыру және пысықтау жұмыстары жалғасуда. Бұл өңірде «жасыл» энергетиканы одан әрі дамытуға қосымша мүмкіндіктер қалыптастырады.

Абай облысы бойынша Энергетика министрлігінің Мемлекеттік энергетикалық қадағалау және бақылау комитетінің аумақтық департаменті өз құзыреті шеңберінде электр энергетикасы саласындағы заңнама талаптарының сақталуына мемлекеттік энергетикалық қадағалау мен бақылауды жүзеге асырады.

Сообщение Абай облысында 160 МВт болатын ЖЭК жобалары дамып келеді появились сначала на Жаңа кезең.

Форумға әзірлеушілер, инвесторлар, мемлекеттік сектордың, технологиялық компаниялар мен стартаптар қауымдастығының өкілдері қатысты. AI & Digital Bridge 2026 форумын Мемлекет басшысы Қасым-Жомарт Тоқаев ашты. Президент жасанды интеллект, цифрлық технологиялар және робототехника салаларындағы перспективалы жобалармен танысты.

Биыл форумға 30 мыңнан астам адам, 300-ден астам спикер және 100-ден астам технологиялық компанияның өкілдері жиналды. Бағдарламаның негізгі бағыттары жасанды интеллект, робототехника, цифрлық трансформация, инвестициялар және технологиялық кәсіпкерлік болды.

Астана стендінде елорда тұрғындары мен бизнеске арналған Astana.kz бірыңғай цифрлық платформасы таныстырылды. Іске қосылғаннан бері оны 20 мыңнан астам пайдаланушы қолданса, көрсетілген қызметтердің саны 30 мыңнан асты.

Astana R&D Ecosystem нақты қалалық міндеттерді шешуге арналған жаңа технологияларды іздеу, сынақтан өткізу және пилоттық режимде енгізу жұмысын біріктіреді. Ал Cerebra AI дәрігерлерге медициналық кескіндерді талдауға және жедел инсульт белгілерін жылдам анықтауға көмектеседі. Бұл шешім қазірдің өзінде елорданың үш инсульт орталығында қолданылып, 7,5 мыңнан астам пациентті қамтыды.

Іскерлік бағдарламаның негізгі шараларының бірі «Жасанды интеллект дәуірінде кім көшбасшы болады – мемлекет пе, әлде бизнес пе?» атты панельдік сессия болды. Пікірталасқа Астана әкімінің орынбасары Евгений Глотов, 01.AI компаниясының негізін қалаушы әрі бас директоры Кай-Фу Ли, Open Insights компаниясының негізін қалаушы Усама Файяд және Oxford Insights компаниясының негізін қалаушы Ричард Стирлинг қатысты. Сессияны Smartest Prep компаниясының бас директоры әрі тең құрылтайшысы Лаура Вайгорова жүргізді.

«Бизнес технологияларды жасай алады. Ал мемлекет олардың ауқымын кеңейтуге көмектесе алады. Алайда технологияның шынайы құндылығы оны енгізу нәтижесінде адамдардың өмірінде қандай өзгеріс болғанымен анықталады. Егер біз бизнестің жылдамдығын, ғылыми білімді, мемлекеттің ауқымы мен мүмкіндіктерін біріктіре алсақ, әрқайсымыздың жеке әрекетімізге қарағанда әлдеқайда жылдам алға жылжимыз», – деді елорда әкімінің орынбасары Евгений Глотов.

Форум аясындағы тағы бір маңызды іс-шара – Demo Day Astana Innovations Accelerator 2026 өтті. Оның барысында 17 стартап денсаулық сақтау, білім беру, көлік, тұрғын үй-коммуналдық шаруашылық пен инфрақұрылым, қауіпсіздік және инклюзивті технологиялар салаларындағы қалалық міндеттерді шешуге арналған жобаларын таныстырды.

Биыл акселераторға 354 өтінім түсті. Бағдарламаға 29 жоба іріктеліп, оның 18 командасы бағдарламаны аяқтады. 12 апта бойы қатысушылар әкімдіктің бейінді басқармалары және қалалық ұйымдармен бірге жұмыс істеп, өз әзірлемелерін нақты жұмыс процестеріне бейімдеді, шешімдерін сынақтан өткізіп, пилоттық жобаларды іске асырды.

Таныстырылған әзірлемелердің қатарында коммуналдық желілердегі апаттарды болжау, көлік және жаяу жүргіншілер ағынын талдау, денсаулық сақтау мен білім беру салаларын цифрландыру, сондай-ақ ерекше қажеттіліктері бар адамдарға арналған шешімдер бар.

«12 апта ішінде стартаптар қалалық міндеттерді шешуден өз әзірлемелерін сынақтан өткізу және пилоттық режимде енгізуге дейінгі жолдан өтті. Бүгінде біздің командалар халықаралық технологиялық алаңдарға шығып, инвестициялық мүмкіндіктерге ие болып, Қазақстанды АҚШ-та танытып жүр. Біз үшін нәтиже – мықты команда, қала жағдайында сынақтан өткен шешім және оны ауқымды түрде енгізу мен халықаралық нарыққа шығудың келесі қадамы», – деп атап өтті «Astana Innovations» АҚ басқарма төрағасы Ғизат Әмірғали.

Astana Innovations Accelerator жобасын Астана қаласының әкімдігі мен «Astana Innovations» АҚ Astana Hub-пен бірлесіп жүзеге асырады. Бағдарлама технологиялық командаларға шешімдерін нақты қалалық міндеттер негізінде сынауға және тиімді әзірлемелерді кейіннен енгізуге дайындауға мүмкіндік береді.

AI & Digital Bridge 2026 форумында елорда цифрлық сервистер мен жаңа технологиялардың қалалық ортаның бір бөлігіне айналып, іс жүзінде сынақтан өтіп, әрі қарай ауқымын кеңейтуге мүмкіндік алып жатқанын көрсетті.

Сообщение AI & Digital Bridge 2026 форумында Астананың цифрлық сервистері мен AI шешімдері таныстырылды появились сначала на Жаңа кезең.

Көлік министрлігі ұйымдастырған семинар-кеңеске орталық мемлекеттік органдар мен өңірлер басшыларының орынбасарлары, сондай-ақ бейінді компаниялар мен ұйымдардың басшылары қатысты. Жиын барысында жол жұмыстарын жүргізудің жекелеген кезеңдері ғана емес, жергілікті жол желісін басқару жүйесін толық жетілдіру мәселелері де талқыланды.

Жол сапасы мәселесі Мемлекет басшысының тұрақты назарында. Президент Қасым-Жомарт Кемелұлы Тоқаев жол инфрақұрылымын дамыту жұмыстарының нақты нәтижесіне баса мән беру қажеттігін атап өткен болатын. Бұл ретте жол сапасына қойылатын талаптарды күшейту, саладағы жауапкершілікті арттыру өзекті міндеттердің бірі болып қала береді.

Премьер-министрдің бірінші орынбасары атқарылатын жұмыстардың сапасын бақылауды күшейту, жолдардың бұзылуына жол бермеу туралы атап өтті. Жергілікті атқарушы органдар нысандардың белгіленген талаптарға толық сәйкес болған жағдайда ғана қабылдануын қамтамасыз ету қажеттігін баса айтты.

«Кепілдік мерзімі ішінде ақаулар анықталған жағдайда, оларды мердігерлер өз қаражаты есебінен жоюы тиіс», — деді Нұрлыбек Нәлібаев.

Облыстар мен республикалық маңызы бар қалалардың әкімдіктері бір апта ішінде жергілікті жолдардың сапасын жақсарту жөніндегі үш жылдық жоспарлар әзірлейді.

Жоспарлар жол жұмыстарының барлық кезеңін қамтуы тиіс. Атап айтқанда, басым учаскелерді айқындау, жобалау құжаттамасын әзірлеу, құрылыс және жөндеу жұмыстарын жүргізу, олардың сапасын бақылау, жолдарды кейіннен күтіп-ұстау мәселелері ескерілу қажеттігі атап көрсетілді.

Семинар қорытындысы бойынша республикалық, жергілікті маңызы бар автожолдар желісінің сапасын жақсартуға бағытталған нақты міндеттер айқындалды.

Сообщение Еліміздегі жергілікті жолдардың сапасын жақсарту шаралары қаралды появились сначала на Жаңа кезең.