Qazaq Air әуекомпаниясы, ішкі туристік бағыттар бойынша тасымалдауға сұранысты қанағаттандыру мақсатымен субсидияланатын авиабағыттарға қосымша конкурс нәтижесі бойынша, ағымдағы жылдың 20 шілдеден бастап Нұр-Сұлтан – Үшарал бағыты бойынша тұрақты рейстерді орындауды бастады, деп хабарлайды Jana-kezen.kz
Бір бағыт бойынша билеттің бағасы 16 000 теңге. SCAT әуекомпаниясымен орындалып жатқан аптасына 7 рейске, Qazaq Air авиакомппаниясына қосымша 4 рейс орындауға рұқсат етілді. Барлығы, қазіргі уақытта аталған авиабағыт бойынша аптасына 11 рейс орындалады. Qazaq Air әуекомпаниясының ұшулары дүйсенбі, сәрсенбі, жұма және жексенбі күндері келесі кесте бойынша орындалады:
Нұр-Сұлтан (07-20) – Үшарал (09-20);
Үшарал (10-00) – Нұр-Сұлтан (12-15).
Барлық рейс сыйымдылығы 76-дан 86 орынға дейін Bombardier әуе кемелерінде орындалады.
