Демалыстың әр күні «Наурызнама» онкүндігімен үйлесім тауып, отбасылық құндылықтар мен ұлттық дәстүрлерді дәріптеуге арналады. Оқушылар «Таза Қазақстан» , «Еңбек адамы» және «Заң мен тәртіп» бағыттарындағы танымдық жобаларға қатысады, сондай-ақ дәстүрлі «Жер сағаты» акциясына атсалысып, азаматтық ұстанымдарын бекемдейді.

Балалардың қауіпсіздігін қамтамасыз ету бағытында да бірқатар іс- шаралар жоспарланып отыр. Ата-аналармен бірлесе отырып жол қозғалысы, өрт қауіпсіздігі және киберкеңістіктегі сақтық шаралары бойынша кешенді түсіндіру жұмыстары жүргізіледі.

Сообщение Қазақстандық оқушылар көктемгі каникулда 11 күн демалады появились сначала на Жаңа кезең.

Сиань (Xi’an) қаласындағы өңірдің жетекші жоғары оқу орындарының бірі – Xijing University-де «Қытай филологиясы» мамандығы бойынша білім алып жатқан үш студент Павлодар қаласына қазақ және орыс тілдерін тереңдетіп меңгеру мақсатында келді. Алдағы бес ай бойы олар Инновациялық Еуразия университеті (ИнЕУ) базасында білім алып, тәжірибеден өтеді.

Шетелдік студенттер университет жатақханасына орналастырылып, оқу үдерісіне белсенді түрде кірісті. Бағдарламаға қатысушылардың бірі – төртінші курс студенті, ал екеуі екінші және үшінші курстарда білім алады. Студенттердің айтуынша, Қазақстанда тілдік тағылымдамадан өту олардың кәсіби дамуына ғана емес, Орталық Азияның мәдениеті мен дәстүрлерін тереңірек танып-білуге де мол мүмкіндік береді, – делінген хабарламада.

ИнЕУ-де Қытайдан келген студенттердің сапары университеттер арасындағы халықаралық ынтымақтастық пен академиялық байланыстардың нығаюының айқын көрінісі екені атап өтілді. Алмасу бағдарламасы тілдік құзыреттілікті жетілдірумен қатар мәдениетаралық диалогты кеңейтуге, тәжірибе алмасуға және екі ел жастары арасындағы достық қарым-қатынасты нығайтуға бағытталған.

Тағылымдама барысында студенттер қазақ және орыс тілдері бойынша сабақтарға қатысып, мәдени-танымдық және білім беру іс-шараларына белсенді атсалысады. Сонымен қатар Қазақстанның тарихы мен салт-дәстүрімен, ИнЕУ-дің студенттік өмірімен жақын танысады, – деп атап өтті министрлікте.

Университет басшылығы мұндай білім беру бастамалары халықаралық академиялық ұтқырлықты дамытуға ықпал етіп, қазақстандық жоғары білімнің халықаралық деңгейдегі тартымдылығын арттыратынын атап өтті. Сиань қаласынан келген студенттердің сапары Қазақстан мен Қытай жоғары оқу орындары арасындағы серіктестік қатынастарды нығайтудың маңызды кезеңі болды.

Сообщение Павлодарда қытайлық студенттер қазақ тілін үйреніп жатыр появились сначала на Жаңа кезең.

Министрліктің ақпаратына сәйкес, талапкерлердің 68%-ы шекті балл жинады. Бес пән бойынша орташа балл 64 балды құрады. Ең жоғары нәтиже – 138 балл.

Талапкерлердің тест тапсырмаларының мазмұны бойынша тестілеу аяқталғаннан кейін 30 минут ішінде апелляцияға беру құқығы бар. Техникалық себептер бойынша апелляция тікелей тестілеу кезінде қабылданады. Бұл жолы 19 мыңға жуық өтініш қабылданып, олардың ішінде 2 бірегей тест тапсырмасына қатысты өтініштер қанағаттандырылды. Республикалық комиссия жұмысын аяқтады, талапкерлердің сертификаттары жеке кабинетте қолжетімді.

Тестке қатысушылардың басым бөлігі «Математика-Физика» комбинацияларын таңдаған, атап айтқанда, 19,2%-ы тапсырды. «Биология-Химия» пәндерін 16,8% таңдаған. Сондай-ақ, топ-3 қатарына талапкерлердің 9,8% таңдаған «Шығармашылық емтихан» комбинациясы кірді.

Ерекше білім беру қажеттіліктері бар оқуға түсушілер үшін қолайлы жағдай жасаудың арқасында ҰБТ-ға 446 талапкер қатысқанын айта кеткен жөн, – делінген хабарламада.

ҰБТ-ны өткізу барысында 320 ереже бұзушылық анықталды. 198 талапкер смартфондарды, шпаргалкаларды және басқа да тыйым салынған заттарды алып кірмек болғаны үшін тестілеуден шеттетілді. Тағы 120 адам тестілеу кезінде ережелерді бұзғаны үшін аудиториядан шығарылды, олардың нәтижелері жойылды. Бейне бақылауды тексеру нәтижесінде 2 адамның сертификаты жойылды. Өзге адамдардың орнына кіру фактілері анықталған жоқ.

2026 жылғы ҰБТ аяқталғаннан кейін күнтізбелік жылдың 31 қазанына дейін бейнежазбаларға талдау жүргізіледі. Тыйым салынған заттарды пайдалану немесе ережелерді бұзу фактілері анықталған жағдайда ҰБТ нәтижелері жойылады.

Сообщение Қаңтардағы ҰБТ-ға қанша адам қатысты? появились сначала на Жаңа кезең.

Кеңістік зерттеушілерге, студенттерге, оқушылар мен кең жұртшылыққа арналған бірыңғай интеграциялық алаң ретінде құрылып, алғашқы дереккөздермен және білім беру материалдарымен қолма-қол бір кеңістікте жұмыс істеуге мүмкіндік береді, деп хабарлайды ҚР Ғылым және жоғары білім министрлігі.

Орталық келушілеріне «Қаныш әлемі» порталына, «Satpaev AI» қосымшасына, кітапханалық ресурстарға, бейнедәрістер мен архивтік материалдарға қол жеткізу ыңғайлы түрде ұсынылған. Бұл ресурстар жүйелі түрде жаңартылып, толықтырылып отырады. Болашақта «Қаныш әлемі» платформасы Сәтбаев есімімен байланысты мектептердің, музейлердің, кітапханалар, институттар мен ғылымиорталықтардың қорларын біріктіретін бірыңғай білім орталығы ретінде дамиды.

«Қаныш әлемі» порталы мен сайтында Қаныш Сәтбаевтың іргелі 10 томдық шығармалар жинағы, сондай-ақ М.О.Әуезов атындағы Әдебиет және өнер институтымен бірлескен жоба аясында дайындалған академиялық еңбектерінің толық 5 томдық жинағы орналастырылған. Бұл материалдар негізгі дереккөздерге жүйелі қолжетімділікті қамтамасыз етіп, оларды оқу және ғылыми жұмыс барысында пайдалану мүмкіндіктерін кеңейтеді.

Орталықтың цифрлық экожүйесінің негізгі элементтерінің бірі – геология мамандығының студенттері әзірлеген «Satbayev AI» қосымшасы. Қосымша жарияланған материалдарды біріктіріп, дереккөздермен жұмыс істеу үшін навигация құралы ретінде қызмет атқарады, әрі оқу және зерттеу жұмыстарын қолдайды.

Орталықтың ашылу салтанаты Қаныш Сәтбаевтың 125 жылдығына арналған республикалық іс-шаралар жоспары аясында өтті және Сәтбаев университетінің профессоры Бақытжан Амралинованың жетекшілігімен жүргізілген «Академик Қ.И.Сәтбаевтың ғылыми-мәдени мұрасын зерттеу – Қазақстанның ғылыми мектептерін дамыту жолы» атты бағдарламалық-нысаналы қаржыландыру жобасын іске асыру нәтижесінде жүзеге асты. Бұл жоба ғалымның мұрасын жүйелі түрде зерттеуге, сақтауға және насихаттауға, сондай-ақ білім беру мен ғылыми-зерттеу жұмыстарын жүргізу мақсатында дереккөздерге қолжетімділікті кеңейтуге бағытталған.

Сообщение Сәтбаев университетінде «Қаныш әлемі» орталығы ашылды появились сначала на Жаңа кезең.

Сообщение Білім беру гранттары әлеуметтік әділдік қағидаттарына сәйкес бөлінді появились сначала на Жаңа кезең.

Қазақстанның бұл бастамаға қосылуы – жасанды интеллектінің білім беру саласына арналған мамандандырылған нұсқасы ChatGPT Edu-ды ұлттық білім беру жүйесіне жүйелі түрде енгізудің басталғанын білдіреді. Осылайша Қазақстан аталған халықаралық бағдарламаға қосылған Орталық Азиядағы алғашқы ел атанды, деп хабарлайды ҚР Оқу-ағарту министрлігі.

Edu for Countries бастамасына қатысу елдің білім беру саясаты үшін стратегиялық маңызға ие. ЖИ-дің оқыту процесіне ықпалы жөніндегі жаһандық пікірталастар жағдайында Қазақстан жасанды интеллект мұғалімді алмастырмайтынын, керісінше оның кәсіби мүмкіндіктерін күшейтетінін басшылыққа алады. ChatGPT Edu-ді қолдану педагогтердің әкімшілік және әдістемелік жүктемесін азайтуға, сондай-ақ оқыту сапасын арттыруға бағытталған.

Жоба 2025 жылғы 6 қарашада Мемлекет басшысының Америка Құрама Штаттарына сапары барысында қол қойылған ынтымақтастық туралы Меморандумы аясында қол жеткізілген уағдаластық негізінде іске асырылуда. Негізгі келісім OpenAI, Inc., Freedom Holding Corp. және өңірлік серіктес Bilim Group арасында жасалды. Жобаға мемлекеттік бюджет пен сыртқы гранттар тартылмайды – жеке қаражат есебінен жүзеге асырылады. Бұл іскерлік қоғамдастық көрсетіп отырған қолдауды айқындайды.

«Қазақстанның Edu for Countries алғашқы халықаралық тобына қосылуы Жасанды интеллект және цифрландыру жылы аясында жүзеге асуда. Бұл жасанды интеллектіні негізгі салаларға енгізудегі жүйелі тәсілді көрсетеді. ChatGPT Edu-ды педагогтерді қолдаудың және зерттеу ортасын дамытудың практикалық құралы ретінде қарастырамыз. Бағдарлама ұлттық білім беру стандарттарын, қауіпсіздік талаптарын және тең қолжетімділік қағидатын ескере отырып іске асырылады», – деп атап өтті Қазақстан Республикасы Премьер-министрінің орынбасары – Жасанды интеллект және цифрлық даму министрі Жаслан Мәдиев.

ChatGPT Edu-ды Қазақстанда енгізу аясында елдің білім беру ұйымдарына 165 000 лицензияны тегін беру көзделген, оның ішінде:

• 100 000 лицензия – мектепке дейінгі, орта, техникалық және кәсіптік білім беру педагогтері үшін;
• 62 800 лицензия – жоғары және жоғары оқу орнынан кейінгі білім беру ұйымдарының оқытушылары мен әкімшілік қызметкерлері үшін;
• 2 200 лицензия – Astana Hub экожүйесінің қатысушылары үшін.

«OpenAI-мен әріптестікті болашақтың білім беру моделін қалыптастыратын бірегей жоба ретінде қарастырамыз. ChatGPT Edu – оқытушы мен зерттеуші мүмкіндіктерін алмастырмайды, тиісінше күшейтеді әрі ол университеттерге арналған кешенді шешім. Жасанды интеллект адамды алмастыратын құрал емес, сыни түсінік пен оны қолдану мәдениеті болған жағдайда ойлауды күшейтеді. Білім беру мен ғылымда ЖИ оқу материалдарын дайындауды жеделдетуге, студенттермен кері байланыс сапасын арттыруға және зерттеу қызметі үшін жаңа мүмкіндік ашуға мүмкіндік береді. Бұл – Қазақстанда бәсекеге қабілетті, AI-сауатты академиялық ортаны қалыптастырудың маңызды элементі. Қазақстан білім беруді автоматтандыруға емес, адами әлеуетті кеңейтуге басымдық береді. Біз жасанды интеллектіні тек пайдаланатын емес, оны жасайтын мамандарды дайындаймыз», – деп атап өтті ҚР Ғылым және жоғары білім министрі Саясат Нұрбек.

«Білім беру жүйесіне жасанды интеллектіні енгізуді біз педагог рөлін күшейтудің стратегиялық қадамы ретінде қарастырамыз. Жасанды интеллект мұғалімге тән емес бірқатар міндеттерді өз мойнына алып, оның көмекшісіне айналады. ChatGPT Edu сияқты құралдар педагогтердің интеллектуалдық көмекшісі болып, мүмкіндіктерін кеңейтеді және әрбір білім алушының жеке қажеттілігіне сай жұмыс істеуіне мүмкіндік береді. Жасанды интеллект дайын жауап көзі емес, ойлауды, жауапкершілікті және цифрлық мәдениетті дамытуға арналған ресурс. Ол дайындық деңгейі әртүрлі білім алушыларға арналған сараланған оқу материалдарын жедел әзірлеуге, кері байланыстың тиімділігін арттыруға және заманауи технологиямен жұмыс істеу дағдыларын қалыптастыруға көмектеседі.

Қазақстан үшін ЖИ-дің пассивті тұтынушыларын емес, онымен саналы, сыни және жасампаз түрде әрекеттесе алатын ұрпақты тәрбиелеу ерекше маңызды. Біздің мақсатымыз – адами әлеуетті дамыту және болашақтың сын-қатерлеріне дайын білім беру ортасын қалыптастыру», – деп атап өтті Қазақстан Республикасының Оқу-ағарту министрі Ж. Сүлейменова.

ChatGPT Edu педагогтерге тапсырмалар мен тестті, оқу материалдарын әзірлеуге, контентті білім алушылар деңгейіне бейімдеуге, сондай-ақ қазақ, орыс және ағылшын тілдерінде материалдар дайындауға арналған құралдарды ұсынады. Жұмыстарды тексеру кезінде жүйе кері байланысу мен бағалау критерийлерін қалыптастыруда пайдаланылуы мүмкін, алайда бағалауға қатысты барлық шешімдер оқытушы құзыретінде қалады.

2026 жылғы қаңтардан бастап OpenAI мамандарымен бірлесіп ChatGPT Edu-ды білім беру, әкімшілік және зерттеу қызметінде қолдану бойынша тұрақты оқыту ұйымдастырылады. Бұл ЖИ-ді пайдалануда бірыңғай тәсілдерді қамтамасыз етуге және педагогтердің цифрлық әрі AI-сауаттылығын арттыруға мүмкіндік береді.

Білім беру ұйымдары үшін ақпараттық қауіпсіздік пен дербес деректерді қорғау саласындағы заңнама талаптарының сақталуын қамтамасыз ететін арнайы жұмыс кеңістігі қарастырылған.

Сообщение Қазақстан алғашқы халықаралық OpenAI Edu for Countries тобына қосылды появились сначала на Жаңа кезең.

Жаңа ғылыми-инновациялық орталықта отандық ұшқышсыз ұшу аппараттарының (ҰҰА) модельдерін әзірлеу, оқу-өндірістік зертханалар мен сынақ полигонын құру, сондай-ақ дуалды білім беру және сертификаттау бағдарламаларын жүзеге асыру жоспарланып отыр. Бұдан бөлек, студенттер мен оқытушылардың қатысуымен ғылыми-зерттеу және тәжірибелік-конструкторлық жұмыстар жүргізіліп, ұшқышсыз ұшу аппараттары дайындалады. Сонымен қатар орталық аясында дрондар мен сервистерді ішкі және халықаралық нарыққа шығару, инновациялық стартаптарды қолдау және коммерцияландыру көзделген. Жобаның іске асырылуы елдің цифрлық инфрақұрылымын нығайтып, Қазақстанның азаматтық ұшқышсыз авиация саласындағы мемлекеттік стратегиясын жүзеге асыруға елеулі серпін береді.

Ашылу салтанатына ҚазҰУ Басқарма төрағасы – ректор Жансейіт Түймебаев, «Aerial Solutions» ЖШС Авиациялық оқу орталығының бас директоры Перизат Құдайбергенова, ҚР  Қорғаныс министрлігінің Ұшқышсыз ұшу жүйелерін дамыту және қолдану департаментінің басшысы Иса Теймуразұлы, Қорғаныс министрлігі Әуе қорғанысы күштері Әскери-әуе күштері қолбасшылығының бас орталығының басшысы Сәкен Рүстемов, Ұлттық қауіпсіздік академиясының кафедра меңгерушісі Артур Имашев, Қазақстан авиация әкімшілігінің Лицензиялау департаментінің директоры Әділжан Сұлтанов, белігілі ғалымдар, оқытушы-профессорлық құрам қатысты.

Жиынды ҚазҰУ басшысы Жансейіт Түймебаев ашып, орталықтың іске қосылуы Қазақстанның технологиялық дамуы үшін ерекше маңызы бар тарихи оқиға екенін атап өтті.

«Мемлекет басшысы Қасым-Жомарт Тоқаев жасанды интеллектіні дамыту жөніндегі кеңестің алғашқы отырысында «Біздің ұлт ретінде бәсекеге қабілеттілігіміз бен егемендігіміз осы технологияны қалай пайдаланатынымызға тікелей байланысты. Әр маман цифрлық дағдыларды жетік меңгеріп, жасанды интеллектінің мүмкіндіктерін жұмыс барысында тиімді қолдана білуі қажет» деп атап өткен болатын. Орталық ауқымды ғылыми жобаларды іске асыруға, заманауи дрондарды жасап, құрастыруға, білікті мамандарды даярлауға және студенттердің тағылымдамадан өтуіне кең мүмкіндік береді. Мұнда жасалған дрондар экономиканың түрлі саласында тиімді қолданылатын болады», – деді ректор.

Өз кезегінде «Aerial Solutions» ЖШС Авиациялық оқу орталығының бас директоры Перизат Құдайбергенова:

«ҚазҰУ базасында ашылған Ұшқышсыз авиацияны дамыту инновациялық орталығы ғылымды, білім беруді және заманауи ұшқышсыз технологияларды біріктіріп, халықаралық стандарттарға сәйкес мамандар даярлауға мүмкіндік береді. Күшті академиялық база арқасында университет сапалы практикалық оқытуды қамтамасыз етіп, өнеркәсіп, ауыл шаруашылығы және цифрлық мониторинг салаларының дамуына үлес қосады. Бұл бастама жас мамандар үшін жаңа мүмкіндіктер ашып, отандық авиациялық жобаларды әлемдік деңгейге шығаруға маңызды үлес қосады», – деп жаңа орталықтың маңыздылығына тоқталды.

Қорғаныс министрлігінің Әуе қорғаныс күштері бас басқармасының жетекшісі Сәкен Рүстемов жаңа орталықтың алдағы жұмысына табыс тіледі.

«Біз әл-Фараби атындағы ҚазҰУ-дың Ұшқышсыз авиацияны дамыту инновациялық орталығы мен Қорғаныс министрлігі және Қарулы Күштердің жемісті ынтымақтастығына үміттенеміз. Бұл ауа қозғалысы саласының дамуына елеулі үлес қосуға мүмкіндік береді. Жобаларыңыздың өркендеуі мен барлық жоспарларыңыздың сәтті жүзеге асуын тілеймін», – деді құрметті қонақ.

Шара соңында қатысушыларға орталықтағы заманауи құрылғылар мен аппараттар көрсетіліп, негізгі атқаратын жұмысы туралы ақпарат берілді.

Сообщение ҚазҰУ-да Ұшқышсыз авиацияны дамыту инновациялық орталығы ашылды появились сначала на Жаңа кезең.

«Білім беру нысандарын салу бойынша жүйелі жұмыс жүргізіліп жатыр. Соңғы жылдары елордада 109 мың оқушы орнына есептелген (екі ауысымды) 44 мектеп салынып, пайдалануға берілді. Оның ішінде 23 мектеп Мемлекет басшысының «Келешек мектептері» ұлттық жобасы аясында бой көтерді. Алдыңғы оқу жылында рекордты көлемде мектеп салынды: 64 мың оқушы орнына арнап 25 білім беру мекемесі пайдалануға берілген.

Биылғы оқу жылының басынан бастап тағы 9 мектеп ашылды. 2026 жылы тағы 13 мектеп салуды жоспарлап отырмыз. Бірқатар білім беру нысанының құрылысымен таныстым. Сол сияқты мектептерді салу барысында аумағын абаттандыру мәселесіне ерекше көңіл бөлінеді.

2027 жылға арнап дайындық жұмысын қатар жүргізіп жатырмыз: жалпы сыйымдылығы 40 мың оқушыны (екі ауысымды) қамтитын 16 мемлекеттік мектеп бойынша жобалау және қала құрылысы құжаттамасын әзірлеу қолға алынды. Бұдан бөлек, 10 мың оқушыға арналған 10 жекеменшік мектептің құжаттары дайындалып жатыр. Бас жоспарға сәйкес, 2035 жылға дейін қалада 138 жаңа мектеп салу көзделіп отыр», – деп жазды Жеңіс Қасымбек.

Сообщение Астанада 2026 жылы тағы 13 мектеп салынады появились сначала на Жаңа кезең.

Аталған жоба энергияны үнемдеуге және электр қуатына кететін шығынды айтарлықтай азайтуға септігін тигізеді.

Энергия өндіру станциясы келісім шеңберінде Қытай тарапымен бірлесіп 20 мың шаршы метр аумаққа салынды. Жоба іске қосылғаннан кейін оқу ордасының электр энергиясына деген қажеттілігінің бір бөлігі баламалы көздер арқылы қамтамасыз етілетін болады. Бұл студенттер мен қызметкерлерге тұрақты, экологиялық таза энергияны пайдалануға мүмкіндік береді, сонымен қатар университеттің инновациялық имиджін нығайтады, – делінген хабарламада.

Болашақта жоспарға сәйкес ҚазҰУ қалашығындағы барлық факультеттер мен жатақханалар күн панельдерімен қамтамасыз етіледі. Бұған қосымша қалашықтағы оқу корпустары мен әкімшілік ғимараттарының, студенттер үйінің, ғылыми орталықтардың шатырлары толық жаңартылады. Шатырдағы ескі жабындылар алынып, тегістеу жұмыстары жүргізілді. Кейін қара қағаз төселіп, суағар жүйесі орнатылды. Аталған шаралар нысанның ұзақ мерзімге қызмет етуін қамтамасыз ету бағытында атқарылып жатыр.

Сообщение ҚазҰУ оқу корпустарының шатырына күн панельдері орнатылды появились сначала на Жаңа кезең.

Сондай-ақ биыл қазақстандық оқушылар жеті беделді халықаралық олимпиадада 27 медаль жеңіп алды. Оның ішінде 4 алтын, 13 күміс және 10 қола медаль бар. Осы жетістіктері үшін оқушылар мен оларды дайындаған педагогтерге мемлекеттік сыйақы берілді.

Айта кетерлік жайт, енді халықаралық ғылыми байқауларда оза шапқан оқушылар мен олардың жетекшілеріне де бір реттік сыйақы тағайындалады. Бұл жөнінде Мемлекет басшысы арнайы заң нормасына қол қойды. Осылайша, дарынды оқушыларды қолдау тетіктері жүйелі түрде кеңейтілуде.

2025 жыл отандық білім беру тарихында бірқатар айрықша халықаралық жеңістермен ерекшеленді. Қазақстандық оқушылар FIRST Global Challenge робототехникадан әлемдік чемпионатта төрт дүркін жеңімпаз атанып, халықаралық география олимпиадасында командалық есепте екінші орынға ие болды. Сондай-ақ физикадан халықаралық ғылыми олимпиадасында абсолютті чемпион атанып, химиядан үш мәрте алтын медаль иеленді. Балқан математикалық олимпиадасында қазақстандық құрама үшінші жыл қатарынан үздік үштіктен көрінді, – делінген хабарламада.

Жеке жетістіктер де айрықша атап өтуге лайық. Астаналық оқушы Нұргүл Егенбергенова Азия физика олимпиадасында «Үздік қыз қатысушы» атағын иеленді. Маңғыстау облысының оқушысы Рамазан Бутантаев «Азия–Тынық мұхиты өңірінің үздік лингвисі» деп танылды. Шығыс Қазақстан облысының оқушысы Алдияр Амангелді «Орталық Азияның үздік информатигі» атанды. Маңғыстау облысының тағы бір өкілі Мендіғали Қалдыбай 40 елден келген қатысушыларды басып озып, химия пәні бойынша зертханалық жұмыстарда ең жоғары нәтижеге қол жеткізіп, «Үздік практик» атағына ие болды. Астаналық Назарбаев Зияткерлік мектебінің оқушысы Мұхтархан Батырхан экономика пәні бойынша халықаралық олимпиадада абсолютті жеңімпаз атанды.

Сообщение Халықаралық олимпиадаларға қатысқан әрбір екінші қазақстандық оқушы жоғары нәтиже көрсетті появились сначала на Жаңа кезең.