SocialБасты

«Алматы жастары» тұрғын үй бағдарламасымен кімдер үй ала алады?

Қаладағы жастардың тұрғын үй проблемасын шешетін «Алматы жастары» бағдарламасына қатысуға өтінім 10 наурыздан басталады. Бұл туралы «Отбасы банкінің» желідегі парақшасы хабарлады.

Алматы жастары» бағдарламасына қатысуға өтінім 10-31 наурыз аралығында жүргізіледі.

Бағдарлама бойынша несие мөлшерлемесі-5%;
Бастапқы жарна-10%
Қатысуға өтінімді: www.almaty-zhastary.kz сайты арқылы беруге болады.
Сонымен қатар, енді үйреншікті 13 миллионның орнына несие сомасы 18 миллион теңгеге дейін өзгертілді.

Қай санаттағы азаматтар қатыса алады?

• Медицина қызметкерлері;
• Білім беру қызметкерлері;
• Мәдениет қызметкерлері;
• Спорт қызметкерлері;
• Жоғары оқу орны қызметкерлері;
• Әлеуметтік сала қызметкерлері;
• БАҚ қызметкерлері;
• Құқық қорғау органдарының қызметкерлері.

Биыл бюджеттік ұйымдардың барлық қызметкерлері қатысатын болады.
Мысалы, егер өткен жылы мектепте жұмыс істеген бухгалтер қатыса алмаса, биыл ол өтініш бере алады.

Негізгі талаптар:

• Алматыда кем дегенде 6 ай жұмыс жасау;

• Өтініш берушінің және онымен тұрақты түрде тұратын отбасы мүшелерінің атында соңғы 5 жылда Қазақстан Республикасының аумағында меншік құқығында жылжымайтын мүліктің болмауы;

• 35 жасқа дейінгі/35 жасқа толған жастар.

Басқа жаңалықтар

Back to top button