Гвинеяда Эболадан 3 адам қайтыс болды. Бұл туралы осы елдің денсаулық сақтау министрлігі мәлімдеді.
Негізі індет 7 тұрғыннан анықталған. 1 ақпанда Гуеке қаласында медбикенің жаназасына қатысқаннан кейін оларда безгек, іш өту, құсу секілді ауру белгілері байқала бастаған.
Құзырлы органдар марқұмдармен және науқастармен байланыста болған адамдарды оқшаулап, тексеріп жатыр. Сондай-ақ билік Дүниежүзілік денсаулық сақтау ұйымы бекіткен Эболаға қарсы вакцинаға тапсырыс берген. Бұдан басқа көршілес Конгодан да осы індет анықталған. Бірақ бұл жағдайлар бір-бірімен байланысты емес.
Естеріңізге сала кетейік, осыдан 5 жыл бұрын Гвинеяда Эболадан 2 жарым мың адам көз жұмған болатын.
Барри Мамадоу, жергілікті тұрғын:
– Қатты қорқып тұрмын. Эболаның Гвинеяда қайта өрши бастағанын естігенде есімнен таным қалдым. 2013-2014 жылдары болған қайғы-қасіретті қалай ұмытамыз?! Біз африкалықтар кедейміз, сондықтан бізге Эбола, коронавирус сияқты індеттерге төтеп беру қиын.
